मुंबईत म्हाडाच्या लॉटरीत कुठं-कुठं मिळाली घरं?, जाणून घ्या A टू Z माहिती

म्हाडाच्या अधिकृत संकेतस्थळावर तुम्हाला अर्ज करण्यासाठीची लिंक उपलब्ध करून दिली जाणार आहे.

आपलं मुंबईत घर असावं असं प्रत्येकालाच वाटतं. (Mumbai) या स्वप्नांच्या नगरीत असे काही लोक आहेत, जे गेल्या अनेक वर्षांपासून भाड्याच्या घरात राहतात. विशेष म्हणजे हे लोक एखाद्या नव्याकोऱ्या घराच्या ईएमआय इतकेच घरभाडे अनेक वर्षांपासून भरत आहेत. मुंबईत घरांच्या गगनाला भिडलेल्या किमती लक्षात घेऊन महाराष्ट्र गृहनिर्माण व क्षेत्र विकास प्राधिकरणाचा (म्हाडा) विभागीय घटक असलेल्या मुंबई मंडळातर्फे दरवर्षी अत्यंत कमी किमतीत घरांच्या विक्रीसाठी सोडत जाहीर केली जाते.

यावेळीदेखील म्हाडाच्या मुंबई मंडळाने 2640 घरांसाठी सोडत जाहीर केली आहे. येत्या 30 मार्च रोजीपासून या घरांसाठी अर्ज करण्याची प्रक्रिया सुरू होणार आहे. याच पार्श्वभूमीवर यावेळी म्हाडाने मुंबईतील कोणकोणत्या भागातील घरांचा समावेश केला आहे. म्हाडाने यावेळी आपल्या सोडतीत 2640 घरांचा समावेश केलाला आहे. या घरांसाठी अर्ज करण्याची प्रक्रिया 30 मार्च रोजीपासून सुरू होईल. म्हाडाच्या अधिकृत संकेतस्थळावर तुम्हाला अर्ज करण्यासाठीची लिंक उपलब्ध करून दिली जाणार आहे.

गरिब खासदार-आमदारांना गिफ्ट! म्हाडाच्या सोडतीत 113 घरं राखीव

ऑनलाईन अर्ज सादर करण्याची अंतिम मुदत ही 30 एप्रिल 2026 असेल. तर लॉटरीमध्ये घरे कोणाकोणाला मिळाली हे 15 मे रोजी जाहीर केले जाईल. अर्ज करताना म्हाडाचे सर्व नियम जाणून घ्यावेत, असे आवाहन करण्यात आले आहे. म्हाडाने आपल्या सोडतीत मुंबईतील वेगवेगळ्या भागातील घरांचा समावेश केला आहे.

कन्नमवार नगर-विक्रोळी, पत्राचाळ सिद्धार्थ नगर-गोरेगाव, जुने मागाठाणे-बोरीवली, गोराई-बोरीवली, सुभाष नगर-चेंबुर, गांधीनगर- वांद्रे, पंतनगर-घाटकोपर, गिरगाव, वडाळा, कोपरी-पवई, माझगाव, तुंगा पवई, लोकमान्य नगर-दादर, पहाडी गोरेगाव, अँटॉप हिल-वडाळा या भागातील घरांचा या सोडतीत समावेश असेल. आता कोणत्या भागात किती घरे आणि त्या घरांचा आकार किती असेल हे म्हाडा 30 मार्च रोजी जाहीर करणार आहे.

संबंधित बातम्या